زوين نوصل هد لخبار بالداريجة تامغربيت .
لبلان فيه الشراء ديال عقد المهاجم بنشرقي من المغرب الفاسي للوداد . وقيمة الصفقة دازت للحساب الشخصي ديال المهاجم مباشرة ، باش السي الناصري يدير تلاعب على الماص و ما يعطيش 25% من الخمسة د المليار لي تباع بيها اللاعب كأكبر صفقة في تاريخ البطولة فداك الوقت .
الناصيري فاش جلس مع قاضي التحقيق سولوه على منين جات 2 د المليار قال لهم بعت لعاب و دازو ليا هذ الفلوس ف الكونط ديالي .
صياد النعام يلقاها يلقاها و الحمدلله مزال عندنا قضاء نزيه، ويلا دارك بين عينو يجبد لك مصارنك و يعرفك باش تعشيتي هذي 10 سنين .
ولكن هذ الشي ما خصوش يوقف هنا و خص ضروري الجامعة تتدخل و تعمق البحث في التلاعبات لي كان كا يدير الناصيري ف الشق المادي لنادي الوداد ومعاه ايت منا و بودريقة و هوار و جمال سنوسي ، و أبرون و الروينة الكحلة .
حتى جمهور الوداد خصو يدوي على هذ القضية حيت يلا دازت 2 د المليار للكونط ديالو يعني راه فلوس أخرى داخلة للكونط من فلوس الوداد بلا حسيب ولا رقيب .
